Drwy gyd-greu Gŵyl Rhyddid, Heddwch ac Undod, bydd y Tŷ Celf yn gwahodd ei gymunedau lleol, yn enwedig y rhai sydd â phrofiad byw o ddadleoli gorfodol a gwrthdaro, i ddod ynghyd i archwilio beth mae rhyddid i bawb yn ei olygu heddiw, drwy gelf a chreadigrwydd, adrodd straeon a rhannu, bwyd a cherddoriaeth.
Gan ddathlu gwytnwch, gobaith ac undod, bydd yr ŵyl yn cael ei llunio gan gyfres o weithdai anffurfiol a chroesawgar. O wneud tecstilau ar y cyd – gan gymryd ysbrydoliaeth gan aelodau grŵp cymunedol Studio of Sanctuary sy'n cwrdd bob wythnos i archwilio pwyth a brodwaith – a rhannu bwyd, ryseitiau a straeon am gartref a theulu, bydd Gŵyl Rhyddid, Heddwch ac Undod yn unigryw iawn i'w lle a bydd yn dathlu'r cyfuniad o draddodiadau, ieithoedd, crefftau a straeon sydd wedi dod o hyd i gartref yn Wakefield.
