Mae Llanymddyfri yn cofio 80fed pen-blwydd Diwrnod Buddugoliaeth yn Ewrop ddydd Sadwrn 3 Mai o 10am tan 2pm. Bydd ffermwyr, crefftwyr a bwyd stryd i gyd yno ar Sgwâr y Farchnad hanesyddol Llanymddyfri. Bydd cerddoriaeth o'r 1940au yn chwarae drwy'r dydd a bydd masnachwyr yn gwisgo mewn ffasiwn y 1940au. Anogir cwsmeriaid ac ymwelwyr i wisgo i fyny hefyd. Bydd Kitsch n Sync yn diddanu gyda 3 darn perfformiad yn ystod y dydd a bydd fflachdorf o ddawnswyr swing yn ymuno hefyd!
Dywedodd Rheolwr y Farchnad Raoul Bhambral,
“80 mlynedd yn ôl ar yr 8fed o Fai, daeth yr Ail Ryfel Byd i ben yn Ewrop. Mae'n bwysig ein bod yn cofio'r hyn a ddigwyddodd. Y farchnad hon ar y 3ydd o Fai yw teyrnged Llanymddyfri i'r cyfnodau heddwch hynny pan all pobl ddathlu.”
Bydd tua 20 o stondinau cynhyrchwyr lleol ar y diwrnod gydag ystod eang o gynnyrch. Gall cwsmeriaid ddisgwyl llysiau a gwyrddion ffres, jamiau, marmaladau arobryn, siytni, mêl, cacennau di-glwten, caws geifr a defaid arobryn, cigoedd fel oen, cig dafad, porc a chig eidion a llestri cegin pren arobryn.
Bydd seidr a gwirodydd ar gael yn ogystal â choed ffrwythau a pherlysiau, planhigion sy'n gyfeillgar i fywyd gwyllt a blodau ffres. Bydd cwsmeriaid hefyd yn gallu prynu gemwaith arian crefftus a chynhyrchion gofal llaeth gafr.
Bydd yna ystod eang o fwyd stryd yn amrywio o fyrbrydau bach fel rholiau selsig a phasteiod i bastai, pitsas a saladau.
