Gan archwilio beth mae rhyddid yn ei olygu, yma a nawr, yng nghyd-destun diwedd yr Ail Ryfel Byd, bydd ARC Stockton yn gwahodd pobl leol i ymuno â nhw yn nosbarthiadau ymgysylltu creadigol ARC i gydweithio ar arwain a llunio darnau o waith creadigol. Bydd y rhain yn cael eu dwyn ynghyd fel recordiadau a ffilmiwyd ledled Stockton a pherfformiadau byw, mewn digwyddiad cyhoeddus ym mis Tachwedd a fydd yn adlewyrchu llais unigryw Stockton.
Bydd gweithio gyda thri chymuned hollol wahanol, pob un ohonynt eisoes â gwreiddiau yn ARC, yn sicrhau amrywiaeth o leisiau sy'n perthyn i'r ardal. Y rhain fydd Full Circle, cwmni theatr annibynnol arobryn o wneuthurwyr theatr ag anableddau dysgu; ffoaduriaid a cheiswyr lloches (mae'r Fwrdeistref yn ardal adsefydlu bwysig i bobl sydd wedi'u dadleoli); a chyfranogwyr yn nosbarthiadau ymgysylltu creadigol wythnosol ARC i oedolion ledled Stockton (o Tai Chi a chelf, i chwarae iwcalili a drymio Taiko).
