Bydd Canolfan Gelfyddydau’r Strand yn gweithio gyda thrigolion cartrefi gofal lleol a disgyblion ysgol, ochr yn ochr ag unigolion yn y gymuned sydd â diddordeb yn nhreftadaeth yr ardal leol, i ofyn beth oedd 'Ein Rhyddid' yn ei olygu yn nwyrain Belfast ar ddiwedd yr Ail Ryfel Byd, a beth mae'n ei olygu heddiw. Gan ymchwilio i ffotograffiaeth archifol a hanes llafar, bydd y prosiect yn archwilio sut mae'r ardal wedi newid, a bydd cyfranogwyr yn gweithio gydag artistiaid i ddatblygu cyfres gyffrous o ddigwyddiadau cyhoeddus a gynhelir yr hydref hwn.
